Maitearen galdez (Mikel Garikoitz)

E   022100
A   x03330
F#m 244222
B7  x21201


   E                     A          E
Urretan piztu ohi da mendian goizalba
     A          E      F#m        B7
txingarretan berotuz zure kale-salda
    E                 A         E
Bizkarrera ezarri zaldiari txalma
     A        E    B7          E
eta lauoinka zoaz ibar eta malda.


Asko mintzatu dira zure mendebaldez,
pistolero gaizto eta bidelapur taldez.
Bakarti zara baina, moldez edo aldez,
beti ere bidean maitearen galdez.


       A      E
Zuria sonbreroa,
   A       E
katea gorria,
    A           E
zu zaitut larrosaren
  B7         E
atzeneko orria.


Soinean hautsa eta kopeta izerdi,
saloiaren sarreran bi ate alderdi,
ke arteko jokoan dozena bat hordi,
pianoan dama bat, zuretzat gaitzerdi!

Mutil galanta zara kapelu ta guzti;
lehendabizi zintzurra whiskyz ondo busti,
damari gustuz entzun zazpi bat abesti
eta kapelu gabe joan zara ezti:

Sonbrero azpikoa jiratu denean
mundua isildu da zure aldamenean;
berriz ekin diozu modu zuzenean
barrenak emandako hitzik onenean

Zuria sonbreroa,
katea gorria,
zu zaitut larrosaren
atzeneko orria.