Ezin ahaztu (Abel Enbeita - Oskorri)

 A                 Bm

Gogoratuko zara herriko jaietan,

   A              Bm

gure gazte aroko egun alaietan,

  D                          A

umorea, dantza eta salto guztietan

   E                   A       A7

irriparre hutsa zen zure begietan,

  D                          A

umorea, dantza eta salto guztietan

                E      C#m   Bm   A

oraindik amets dagit momentu haietan.

Brometan esan nizun: Neretzako zara.

Nork pentsatu gerora zekarren zartada?

Hamazazpi urtetan biok lotu gara:

izan da hainbat ekaitz, gaixo eta ikara,

Hamazazpi urtetan biok lotu gara:

eta onenean, horra! dena pikutara.

Bezperako gauean mundutik kanpora

zenbat maitatu ginan eta zenbat denbora;

musu bero eztiak eta arnasgora

etengabe datozkit gaur ere gogora,

musu bero eztiak eta arnasgora

zure azken mezua hura izango da.

Bizitza hala dala esaten didate,

biziek biziekin aurrera jo eta ke;

denbora badihoa, neretzako kalte,

eta zu nere bihotzak ezin ahaztu, maite:

denbora badihoa, neretzako kalte,

mundu denak ezin du zure hutsa bete.